往日涯也有老婆

只因烧酒吃得多

酒性唔好失理性

吃醉烧酒打老婆

今日变成单雕哥

冇老婆来好孤凄

目汁流来洗衬衣

心中有话冇人讲

几多苦处冇人知

水桶养鲩囫死哩

冇老婆好真惨斋

缸里冇水爱涯自家垓

去到河边来挑水

虾公老蟹尽笑涯

笑涯床下一双鞋

冇老婆来好孤凄

灶头锅尾冇人理

园中菜地都净草

青菜唔田种一皮

有尿痾倒冇哪肥

冇老婆来想唔开

三餐食饭都爱自家来

坐等烧火琢目睡

饭菜跌倒净尘灰

你话该衰啊唔该衰

冇老婆来苦嗟嗟

三餐吃饭单自家

一只碗公一只筷

鸡汤饭菜食唔下

剩倒菜饭喂鸡嫲

冇老婆来苦难当

两只眼珠泪两行

別人有双欢欢喜

涯今单身睡冷床

爬床野席唔得到天光

冇老婆来苦处多

吃醉酒来打老婆

打走老婆么好处

搞到今下冇老婆

单人锯树自家傻

山歌唱哩有咁长

感谢大家来捧场

听哩山歌行好运

听哩山歌身健康

财丁兴旺福满堂