Psallat scholarum concio, in hoc convivio,

Sed Mariae Fili, non sit oblivio

Nam is dat solatia, sua bona gratia

Studentibus in trivio.

Extinxit ignem sceleris, hic dator gratiae,

Extans fructus foederis, in orbis acie

Per quem regnant reguli, super orbem seculi,

Cuncti in terrae facie.

Totius orci saeviit, saevi potentia,

Dum puella genuit, Dei clementia,

Mundus quidem aruit, sed iam virens claruit,

Et eius simul entia.