心愿 (剪辑版) (热门藏歌) - 贡曲加/央金措

གཟི་ཆུང་མགུལ་ན་དཔྱངས་ཤིང་།།

ཞལ་རས་དུང་ལུས་དཀར་པོའི།།

གཡང་དཀར་སྟོང་ལུག་འཚོ་མཁན།།

གཤིས་རྒྱུད་བལ་ལས་འཇམ་ཤིང་།།

ཁྲེལ་དང་ཕྱི་ཐག་རིང་བའི།།

ཁ་སྟོད་འབྲོག་གི་བུ་མོ།།

ཚེ་གཅིག་དྲན་པ་ཁྱོད་ཡིན།།

བླ་གཡུའི་རྣ་རྒྱན་བཏགས་ཤིང་།

ཁྱ་རིང་མེ་མདའ་ཁུར་པའི།།

འདོ་རིག་རྟ་བརྒྱ་ཞོན་མཁན།།

སེམས་རྒྱུད་འོ་མའི་ཕྱུགས་ཤིང་།།

མདངས་དང་བརྩེ་བ་གཙང་བའི།།

ཁ་སྟོད་འབྲོག་གི་བུ་ལོ།།

སེམས་ཀྱི་སྨོན་མདུན་ཁྱོད་ཡིན།།

ཕྲུག་དམར་ཐེབ་བརྒྱལ་གོན་ཤིང།།

འཇོ་སྒེག་གར་ལ་འཁྱིལ་བའི།།

རྟ་ཁྱུ་རི་ནས་འདེད་མཁན།།

ཁ་སྟོད་འབྲོག་གི་བུ་མོ།།

དན་བཅའ་རི་ལས་བརྟན་ཤིང་།།

ཕྱི་ནང་ཁ་ཁོག་མཚུངས་པའི།།

ཁ་སྟོད་འབྲོག་གི་བུ་ལོ།།

མདངས་ཀྱི་རྨི་ལམ་ཁྱོད་ཡིན།།