Memor esto verbi tui servo tuo, in quo mihi spem dedisti.

Hæc me consolata est in humilitate mea: quia eloquium tuum vivificavit me.

Superbi inique agebant usquequaque; a lege autem tua non declinavi.

Memor fui judiciorum tuorum a sæculo, Domine, et consiliatus sum.

Defectio tenuit me: pro peccatoribus derelinquentibus legem tuam.

Cantabiles mihi erant justificationes tuæ: in loco peregrinationis meæ.

Memor fui nocte nominis tui Domine: et custodivi legem tuam.

Hæc facta est mihi: quia justificationes tuas exquisivi.

Amen.