Flos ortus inter lilia Quorum radix est Francia Quibus flagrat Sicilia Ludovicus, vite via Quo spretu mundialia Sprevit et sensibilia Sceptra nolens regalia Iure paterno propria Sed minorum consorcia Poli captans palacia Preconiset ecclesia O, quam bella felicia Movet carni nocencia Spiritui utilia Sua fortis audacia Laudabilis milicia Cui gladius scientia, Cui lorica prudentia Galea sapientia Quibus iacent superbia Livor, gula, luxuria Et mala quevis alia Humilitate previa Religione socia Degente pacientia, Devotionis gratia O, quam mira victoria Triumphantis ad alcia Dei regna celestia ! O, quam felix memoria Relinquentis ad varia Miraculorum bravia ! Omni sensu fulgentia Reliqueras, cuius pia Prece muniat gloria Nos perhempnis virtus dia Celsa cedrus ysopus effecta Pro Libano Syon adoptavit Ludovicus qui thiara lecta Dyadema sceptraque negavit Et devote Tholosanos pavit Res hec mira, quod rex in pastorem Versus reges cunctos superavit Summi regni complectens honorem Mors, que reges calcat, exaltavit Qui nos dei regat ad amorem O quam magnus pontifex