CHORUS : Nona Kei yang beta sayang. Ko pung senyum itu slalu tabayang. Rasa ini tarbang tinggi melayang. Cuma ko saja nona yang beta paleng sayang. Nona Kei yang beta cinta. Slalu tasimpang di dalam dada. Seng bisa, lai par mau pindah. Cuma nona Kei yang bisa biking beta jatuh cinta. RAP VERSE 1 : Bakudapa satu nona, dia pung senyum biking tabayang. Hati ini melayang, tumbuh rasa sayang. Tarbang jauh, tambus lapisan awan-awan. Lia paleng manawan, harim Evav seng ada lawan. Nona paleng indah bagaikan, pante Ngurbloat. Tapana nona pung tatapan, macam dapa headshot. Lembut cara bicara, bagaikan nada dalam not. Parcaya beta sio nona, beta bukan Iskariot. Ko punya pesona bagaikan, pante Ngurtavur. Hati ini su tatanam par ko sudah terlanjur. Sunyi katong halau jang sampe ada galau. Beta mau nona tau kal beta seng mau jau. Sama deng Goa Hawang di Letvuan. Nona biking nyaman beta kasih rasa aman. Bukan cuma angan doa iring perjuangan. Ya'au nung fangnanan ucap amin di p'laminan. RAP VERSE 2 Beta jaga ko pung cinta, yang tatanam dalang dada. Dari Yamtel sampe Tual beta tunggu di Jakarta. Nona dar Tenggara, tapisah laut Banda. Jarak seng masalah par beta mau maso minta. Alabapa jadi saksi.. Seng bisa sangkal diri tutup rasa dalang hati. Sambunyi sampe mana tetap akang dapa lia. Nyong Ambon pung rasa cuma par nona Tenggara. Sio Nona.. La mari jua.. Seng ada lai nona laeng cuma ada katong dua. Beta deng ko.. Jang ada ego.. Nona Kei pung cinta biking beta hati lombo. O.. Ado mama ole sio.. Ini beta pung cinta moo.. Kasih restu do.. Karna tong mau biking bae biar jang dong bakalae.. Biar maso hari bae lai dudu adat bae-bae.